ಇಂಟೆಲ್:ಥಂಡರ್ಬೋಲ್ಟ್
ಯುಎಸ್ಬಿ 3.0ರ ಎರಡುಪಟ್ಟು ವೇಗದಲ್ಲಿ ದತ್ತಾಂಶ ವರ್ಗಾವಣೆ ಮಾಡಬಲ್ಲ ತಾಮ್ರದ ಕೇಬಲ್ ಆಧಾರಿತ ಥಂಡರ್ ಬೋಲ್ಟ್ ಎನ್ನುವ ತಂತ್ರಜ್ಞಾನವನ್ನು ಇಂಟೆಲ್ ಇದೀಗ ಅಭಿವೃದ್ಧಿ ಪಡಿಸಿದೆ.ಥಂಡರ್ ಬೋಲ್ಟ್ ಬಳಸಿದರೆ ಹತ್ತು ಗಿಗಾಬಿಟ್ ವೇಗದಲ್ಲಿ ದತ್ತಾಂಶ ವರ್ಗಾವಣೆ ಸಾಧ್ಯ.ನೈಜ ವೇಗ ಇಷ್ಟಿರದು.ಥಂಡರ್ಬೋಲ್ಟ್ ತಂತ್ರಜ್ಞಾನವನ್ನು ಆಪಲ್ ಕಂಪೆನಿಯ ಹೊಸ ಲ್ಯಾಪ್ಟಾಪುಗಳಲ್ಲಿ ಅಳವಡಿಸಲಾಗಿದೆ.ಅಂದಹಾಗೆ ಆಪಲ್ ಕಂಪೆನಿಯ ಹೊಸ ಲ್ಯಾಪ್ಟಾಪುಗಳು ಮ್ಯಾಕ್ಬುಕ್ ಪ್ರೋ ಸರಣಿಯಲ್ಲಿ ಹದಿಮೂರು ಮತ್ತು ಹದಿನೇಳು ಇಂಚು ತೆರೆಯ ಎರಡು ಮಾದರಿಗಳಿವೆ.ಕ್ರಮವಾಗಿ ಸಾವಿರದಿನ್ನೂರು ಮತ್ತು ಎರಡೂವರೆ ಸಾವಿರ ಡಾಲರು ಬೆಲೆಯ ಈ ಲ್ಯಾಪ್ಟಾಪುಗಳು ಥಂಡರ್ಬೋಲ್ಟ್ ತಂತ್ರಜ್ಞಾನವನ್ನು ಮೊದಲಬಾರಿಗೆ ಬಳಸಿ ಗಮನಸೆಳೆದಿವೆ.ಹೊಸ ತಂತ್ರಜ್ಞಾನ ವ್ಯಾಪಕ ಬಳಕೆ ಕಾಣಲಿದೆಯೇ,ಅಲ್ಲ ಇವು ಆಪಲ್ನ ಲ್ಯಾಪ್ಟಾಪುಗಳಿಗಷ್ಟೇ ಸೀಮಿತವಾಗಲಿದೆಯೇ ಎನ್ನುವುದು ಕುತೂಹಲದ ವಿಷಯ.ಇದನ್ನು ಕಾದು ನೋಡಬೇಕಿದೆ.
-------------------------------
ದಕ್ಷತೆ ಹೆಚ್ಚಿಸುವ ತಂತ್ರಜ್ಞಾನ
ವಿದ್ಯುತ್ ಸಾಧನಗಳಲ್ಲಿ ಏಸಿ ವಿದ್ಯುತ್ ಡಿಸಿ ಆಗಿ ಪರಿವರ್ತಿತವಾಗುವುದು,ಮತ್ತೆ ಡಿಸಿ ಏಸಿ ವಿದ್ಯುತ್ ಆಗಬೇಕಾಗುವುದು ಇದೆ.ಹೀಗೆ ವಿದ್ಯುಚ್ಛಕ್ತಿ ಪರಿವರ್ತಿತವಾಗುವಾಗ ವಿದ್ಯುತ್ ನಷ್ಟವಾಗುವುದಿದೆ.ಇದನ್ನು ಶೇಕಡಾ ತೊಂಭತ್ತರಷ್ಟು ಕಡಿಮೆ ಮಾಡುವ ಮೂಲಕ ವಿದ್ಯುತ್ ಸಾಧನದ ದಕ್ಷತೆ ಹೆಚ್ಚಿಸುವ ತಂತ್ರಜ್ಞಾನವನ್ನು ಗೂಗಲ್ ಬೆಂಬಲಿತ ಕಂಪೆನಿಯೊಂದು ಅಭಿವೃದ್ಧಿ ಪಡಿಸಿದೆ.ಸಿಲಿಕಾನ್ ಬದಲು ಗ್ಯಾಲಿಯಂ ನೈಟ್ರೈಡ್ ಬಳಸುವ ಮೂಲಕ ಇದನ್ನು ಸಾಧಿಸಲಾಗಿದೆಯೆಂದು ಕಂಪೆನಿ ಹೇಳಿಕೊಂಡಿದೆ.ಈ ತಂತ್ರಜ್ಞಾನವನ್ನು ಎಲ್ಲೆಡೆ ಬಳಸಿದರೆ,ಅಮೆರಿಕಾದಲ್ಲೇ ಮುನ್ನೂರು ಕಲ್ಲಿದ್ದಲು ಆಧಾರಿತ ವಿದ್ಯುತ್ ಸ್ಥಾವರಗಳ ಅಗತ್ಯ ಬೀಳದು ಎಂದರೆ ವಿದ್ಯುತ್ ಉಳಿಕೆಯ ಪ್ರಮಾಣ ಮನವರಿಕೆಯಾದೀತು.
----------------------------------
ಹಿಂಬಾಲಿಸದಿರಿ ಎನ್ನನು
ಕಂಪ್ಯೂಟರ್ ಬಳಕೆದಾರನು ಭೇಟಿ ಕೊಡುವ ತಾಣಗಳನ್ನು ತಿಳಿಯುವುದರ ಜತೆ,ಆತ ಆ ತಾಣದಲ್ಲಿ ಹೇಗೆ ಸಮಯ ಕಳೆಯುತ್ತಾನೆ ಎನ್ನುವುದರ ಬಗ್ಗೆ ಮಾಹಿತಿ ಸಂಗ್ರಹಿಸುವುದರಲ್ಲಿ ಹಲವು ಕಂಪೆನಿಗಳು ಆಸಕ್ತವಾಗಿವೆ.ಈ ಮಾಹಿತಿಯನ್ನು ಬಳಕೆದಾರನ ಗಮನ ಸೆಳೆಯುವ ಜಾಹೀರಾತುಗಳನ್ನು ಪ್ರದರ್ಶಿಸಲು ಬಳಸಿ,ಲಾಭ ಪಡೆಯುವುದು ಕಂಪೆನಿಗಳ ಉದ್ದೇಶವಾಗಿದೆ.ಇಂತಹ ಮಾಹಿತಿಗಳನ್ನು ಇತರರಿಗೆ ಮಾರಿ ದುಡ್ಡು ಮಾಡುವ ಅಂತರ್ಜಾಲ ತಾಣಗಳೂ ಇವೆ.ಇಂತಹ ನಡವಳಿಕೆಯನ್ನು, ಖಾಸಗಿತನದ ಉಲ್ಲಂಘನೆ ಎಂದು ಬಗೆವ ಬಳಕೆದಾರರು ತಮ್ಮನ್ನು ಹಿಂಬಾಲಿಸುವುದನ್ನು ಇಷ್ಟ ಪಡರು.ಬ್ರೌಸರ್ ಅಭಿವೃದ್ಧಿ ಪಡಿಸುವ ಮೋಜಿಲ್ಲಾ,ಗೂಗಲ್ ಮುಂತಾದ ಕಂಪೆನಿಗಳು ಬ್ರೌಸರಿನಲ್ಲೇ ಈ ರೀತಿಯ ಸೆಟ್ಟಿಂಗ್ಗಳನ್ನು ನೀಡಿ,ಬಳಕೆದಾರನನ್ನು ಹಿಂಬಾಲಿಸಿ,ಮಾಹಿತಿ ಶೇಖರಿಸುವುದನ್ನು ಅಸಾಧ್ಯವಾಗಿಸಲು ಕ್ರಮ ಕೈಗೊಳ್ಳಲು ಮುಂದೆ ಬಂದಿವೆ.ಡು ನಾಟ್ ಕಾಲ್ ಮಿ ಎನ್ನುವ ಸೆಲ್ಪೋನ್ ಕಂಪೆನಿಗಳ ನೋಂದಾವಣೆಯಿಂದ ಪ್ರೇರಿತ ಈ ಹಿಂಬಾಲಿಸಿದಿರಿ,ಕೆಲಸ ಮಾಡುವ ರೀತಿ ಮಾತ್ರಾ ಬೇರೆಯಾಗಿದೆ.
------------------------------------
ಗೂಗಲ್ ಶೋಧ:ನಿಯಂತ್ರಣ ಸಾಧ್ಯ
ಗೂಗಲ್ ಶೋಧದ ಫಲಿತಾಂಶದಲ್ಲಿ ಯಾವುದೇ ತಾಣವನ್ನು ಸೇರಿಸದೇ ಇರಲು ಸಾಧ್ಯವಾಗುವ ಸವಲತ್ತು ಗೂಗಲ್ ಕ್ರೋಮ್ ಬ್ರೌಸರಿನಲ್ಲಿ ಸಾಧ್ಯ.ಪದೇ ಪದೇ ಕೆಲವು ತಾಣಗಳು ಶೋಧ ಫಲಿತಾಂಶದಲ್ಲಿ ಕಾಣಿಸುವುದು ಬಳಕೆದಾರನಿಗೆ ಬೇಡವಾಗಿದ್ದರೆ ಈ ಆಯ್ಕೆ ಪ್ರಯೋಜನಕಾರಿ.ಹಾಗೆಯೇ ನಿಮಗಿಷ್ಟವಲ್ಲದ ತಾಣಗಳು ಫಲಿತಾಂಶದಲ್ಲಿ ಸೇರದೇ ಇರುವಂತೆ ಮಾಡುವಲ್ಲಿದು ಉಪಯುಕ್ತವಾಗುತ್ತದೆ.ಉದಾಹರಣೆಗೆ ಹೆಚ್ಚಿನ ಶೋಧ ಫಲಿತಾಂಶದಲ್ಲಿ ವಿಕಿಪೀಡಿಯಾದ ಬರಹಗಳು ಮೊದಲಾಗಿ ಕಾಣಿಸಿಕೊಳ್ಳುತ್ತವೆ.ನಿಮಗವುಗಳಲ್ಲಿ ಆಸಕ್ತಿಯಿಲ್ಲವಾದರೆ,ಅವನ್ನು ಶೋಧ ಫಲಿತಾಂಶದಿಂದ ಹೊರಗುಳಿಸಲು ಅವಕಾಶವಿದೆ.ಶೋಧ ಫಲಿತಾಂಶದಲ್ಲಿ ತಮ್ಮ ಅಂತರ್ಜಾಲ ತಾಣವನ್ನು ಸೇರಿಸುವ ತಂತ್ರ ಬಲ್ಲ ಅಂತರ್ಜಾಲ ಪುಟಗಳ ನಿರ್ಮಾತೃಗಳಿಗೆ ಇದು ಒಳ್ಳೆಯ ಸುದ್ದಿಯಲ್ಲ.
----------------------------------
ತುಷಾರ:ವಾರ್ಷಿಕ ಚಂದಾ ಗೆಲ್ಲಿ!
ಈ ಪ್ರಶ್ನೆಗಳಿಗೆ ಸರಿಯುತ್ತರ ಕಳುಹಿಸಿ,ತುಷಾರ ಮಾಸಿಕದ ವಾರ್ಷಿಕ ಚಂದಾ ಗೆಲ್ಲಿ!.ಬಹುಮಾನ ಪ್ರಾಯೋಜಿಸಿದವರು ಉಡುಪಿ ಬ್ರಹ್ಮಗಿರಿಯ ಡಾ.ಶ್ರೀನಿವಾಸ್ ರಾವ್,ಪ್ರೊಫೆಸರ್,ನಿಟ್ಟೆ.
(ಉತ್ತರಗಳನ್ನು nistantusansaara@gmail.comಗೆ ಮಿಂಚಂಚೆ ಮಾಡಿ,ವಿಷಯ:NS20 ನಮೂದಿಸಿ.)
*ಕೇರಳದಲ್ಲಿ ಶಿಕ್ಷಣಕ್ಕೆ ಲೀನಕ್ಸ್ ಆಪರೇಟಿಂಗ್ ವ್ಯವಸ್ಥೆ ಬಳಸುವ ಯೋಜನೆ ಯಾವುದು?
*ಮೈಂಡ್ಮ್ಯಾಪಿಂಗಿಗೆ ಬಳಸಬಹುದಾದ ಜನಪ್ರಿಯ ತಂತ್ರಾಂಶ ಹೆಸರಿಸಿ.
ಕಳೆದ ವಾರದ ಸರಿಯುತ್ತರಗಳು:
*ಪ್ಲಾನೆಟೇರಿಯಂ ಅನ್ನು ಕಂಪ್ಯೂಟರಿನಲ್ಲೇ ದರ್ಶನ ಮಾಡಿಸುವ ತಂತ್ರಾಂಶ ಸ್ಟೆಲ್ಲೇರಿಯಂ -ವಿವರಗಳಿಗೆ www.stellarium.org ನೋಡಿ.
*ಲಿನಕ್ಸ್ ಆಪರೇಟಿಂಗ್ ವ್ಯವಸ್ಥೆಯನ್ನು ಬಳಸಿದರೆ ಆಗುವ ಲಾಭಗಳು-ವೈರಸ್ ಕಾಟ ಕಡಿಮೆ,ಮುಕ್ತ-ಉಚಿತ.ಬಹುಮಾನ ಗೆದ್ದವರು ನವನೀಶ್,ಪೆರ್ಲ,ಕೇರಳ.ಅಭಿನಂದನೆಗಳು.
-------------------------------------------------
ನವನೀಶ್ ಕುಮಾರರ ಬ್ಲಾಗುಗಳು
ಈ ಸಲದ ಬಹುಮಾನ ವಿಜೇತ ನವನೀಶ್ ಕುಮಾರ್ ಹದಿನೈದು ವರ್ಷದ ವಿದ್ಯಾರ್ಥಿ.ಈತ ಕಂಪ್ಯೂಟರ್ ಪ್ರವೀಣನೆಂದು ಈತನ ಬ್ಲಾಗುಗಳು ಸಾರಿ ಹೇಳುತ್ತವೆ.ಪೆರ್ಲದ ಸತ್ಯನಾರಾಯಣ ಹೈಸ್ಕೂಲಿನ ಹಳೆ ವಿದ್ಯಾರ್ಥಿಯಾದ ಇವರು ಲೀನಕ್ಸ್ ಆಪರೇಟಿಂಗ್ ವ್ಯವಸ್ಥೆಯಲ್ಲಿ ಆಸಕ್ತಿ ಹೊಂದಿದ್ದಾರೆ.ಕೇರಳದಲ್ಲಿ ಐಟಿ ಶಿಕ್ಷಣದಲ್ಲಿ ಉಬುಂಟು ಆಧಾರಿತ ಆಪರೇಟಿಂಗ್ ವ್ಯವಸ್ಥೆಯನ್ನೇ ಬಳಸಿ ಮುಕ್ತ ಮತ್ತು ಉಚಿತ ತಂತ್ರಾಂಶಗಳನ್ನೇ ಬಳಸಿಕೊಳ್ಳಲಾಗಿದೆ.http://navaneeshperla.blogspot.com,http://amazescience.blogspot.com,http://navuniverse.110mb.com/chapter.html ಇವು ನವನೀಶರ ಬ್ಲಾಗುಗಳು.ಶಾಲೆಯ ಪ್ರಾಜೆಕ್ಟ್ ಅಂಗವಾಗಿ ಸಿದ್ಧ ಪಡಿಸಿದ ಬ್ಲಾಗುಗಳಲ್ಲಿ ಸೌರವ್ಯೂಹ,ವಿಜ್ಞಾನ ವಿಷಯಗಳಿಗೇ ಹೆಚ್ಚು ಒತ್ತು ನೀಡಲಾಗಿದೆ.
-----------------------------------------
ಟ್ವಿಟರ್ ಚಿಲಿಪಿಲಿ
*ಹೈಸ್ಕೂಲ್ ಶಿಕ್ಷಕರಿಗೆ ಲೀನಕ್ಸ್ ತರಬೇತಿ ಶಿಬಿರ ನಿಟ್ಟೆ ಎನ್ ಎಂ ಎ ಎಂ ಐ ಟಿಯಲ್ಲಿ ಫೆಬ್ರವರಿ26ರಂದು ಯಶಸ್ವಿಯಾಗಿ ನಡೆಯಿತು.
*ಅನಂತ್ ಪೈ ಅವರ ಕಾಮಿಕ್ಸಿನ ರಾಮು-ಶಾಮು ಅವಳಿಗಳೆಷ್ಟು ಕ್ಯೂಟ್...
*ನಾನು ನಿಮ್ಮ ಬಲಗೈ ಬಂಟ ಆಗಲಸಾಧ್ಯ..ಯಾಕೆಂದರೆ ನಾನು ಎಡಚ...
*ಅಶೋಕ್ಕುಮಾರ್ ಎ
